Ìyàtọ̀ Láàrín Télò Àti Dìsáínà

Ìyàtọ̀ Láàrín Télò Àti Dìsáínà

Láti ọwọ́ Hassan Abdulbaqi

Ní orílẹ̀ èdè Nàìjíríà, awuyewuye máa ń sábà maá n wà láàrín “télo (tailor)” ìyẹn iṣé aránṣọ ní èdè gẹ̀ẹ́sì àti “dìsáínà (fashion designer)” Ìbéèrè sábà máa ń wáyé lóri bóyá ìyàtọ wà láàrín àwọn ọ̀rọ̀ yìí. Àwọn kan ní ìgbàgbọ́ pé ẹyọ̀kán gbé pẹ́lí ju èkejì lọ, òmíràn sì ròpé akọ àti ìmúni lórí yá lásán ni ó wà fún nítorí télò ni àwọn èèyàn ti ń pe àwọn tí ó ń ṣiṣẹ́ yìí lati ọjọ́ pípẹ́, à́mọ́ tí “fashion designer” dé pẹ̀lú ìtúnmọ ìgbàlódé àti ọ̀làjú. Àwọn míràn tilẹ̀ gbàgbọ́ pé kò sí ìyàtọ̀ kankan láàrín wọn. Ẹlọ̀míràn mọ̀ pé ìyàtọ̀ wà láàrín wọn ṣùgbọ́n kò mọ ìyàtọ̀ náà.

Ìwádí nínú èdè gẹ̀ẹ́sì gangan fihàn pé ìyàtò ń bẹ láàrín wọn. Gẹ́gẹ́bí ó ti rí nínu Oxford Advanced Learners’’ Dictionary (àtúnṣe elékẹjọ), télọ̀ ni “ẹni tí ó máa ń rán aṣọ ọkùnrin sílẹ̀ ní oríṣiríṣi ìwọ̀n lati fi lè jẹ́ kí ó bá gbogbo awọn ọkùnrin oníbárà rẹ̀ mu rẹ́gí, “eni tí o máa ń rán aṣọ obìnrin sílẹ̀ bákan náà ni àwọn olóyìnbọ́ ń pè ní “seamstress”. Ìyẹn ni pé, bí ìjàpá àti yáníbọ ṣẹ wà náà ni tailor àti seamstress wà. Ẹni tí ń gbèrò bí aṣọ yóò ṣe ri pẹ̀lú yíya bátánì fún wọn ni “fashion designer” tàbí “couturier”.

Ìyàtọ̀ gbòógì tí ń bẹ láàrin wọn náà ni pé, dìsáina (fashion designer) máa ń ya bátánì bí aṣọ yòó ṣe rí kí wọn to dáwọ́ lórí wọn. Bí ó ti lẹ̀ jẹ́ pé kí aṣọ ba lè di wíwọ̀ ni àníyàn àwọn méjèèjì, kò sí tàbí sùgbọ́n wípé iṣé “fashion designer” gbé pẹ́lí ju ti télò lọ.

Ìwadi siwaju si lọdọ awọn ti n ṣe iṣẹ yii tún làwá lọyẹ nipa iṣẹ yii ni ibamu pẹlu bi nǹkan ṣe rí ní orílẹ̀ èdè Nàìjíríà. Dìsáínà ni igi lẹ́yìn ọgbà ọ̀pòlopọ̀ aṣọ mútìẹ (ready made) olọkan ò jọ̀kan tí à ń rí. Wọ́n máa ń ṣe ìwádìí, ìrokàn àti bátánì afipilẹ̀ fún àwọn oníbárà wọn. Ìyẹn ni pẹ́, kì í ṣe ìgbà tí dìsáínà bá rí oníbárà ni iṣẹ rẹ tó máa bẹ̀rẹ̀. Ìlo ẹ̀rọ kòmpúta àti iṣírò oríṣiriṣi pẹ̀lú ara iṣẹ dìsáínà. Ìyẹn ni pé, ìwé kíkà kún nǹkan ti a fi n di dìsáínà nígbàtí kò rí bẹ́ẹ̀ fún télò.

Ní bí ọdún 1980 lọ sí ìsàlẹ̀, kò sí ìyàtọ̀ láàrín àwọn aránṣọ ní ilẹ̀ Yorùbá. Ìfọ̀rọ̀wérò tí a ṣe pẹ̀lú àwọn télò àgbà fihàn pé gbogbo iṣẹ́ aránṣọ ni télọ̀ máa ń ṣe tẹ́lẹ̀ dé ibi rírán pátá àti kọ́mú, eléyìí tó jẹ́ pẹ́ ìsọ mútìẹ nìkan ni a ti lè báa pàdé ní òde òní. Eléyìí fi ojú hàn níbi orúkọ àwọn gbajúgbajà aránṣọ bí Télọ̀ Ògúndẹ̀rọ̀, Tẹ́lọ̀ Fágbohùn, Télọ̀ Lai Olumegbon àti Télọ̀ Ìdòwú. Ní adúrú bí ó ṣe jẹ́ pé àwọn télọ̀ yìí lọ kọ́ iṣẹ́ wọn ní Òkè Ọba, ìyẹn kò yí orúkọ wọn padà sí dìsáínà.

Ìdí nìyìí tí a fì dá àbá “aránṣọ” gẹ́gẹ́ bí orúkọ fún télò okùnrin àti obinrin ti wọn ṣiṣẹ télò, tí a sì dábá “aránṣọ ìgbàlódé” tàbí “dìsáínà” fún “fashion designer/couturier” nínu iṣẹ́ yìi. “Aṣaralóge”” tí kò bá sunmọ ju fun ni awọn sinima agbelewo Yorùbá ti fún orúkọ awọn ti maa n tọ́jú-tọ ete fún awọn òṣèré. Ọ̀rọ̀ míràn tí a kò bá tún lò ni “aranṣọ nlá”” nigbati a sọpe ise re gbe peli ju ti telọ lọ gẹgẹbi a ti ri nínu:

Oníṣòwò: ẹni tí ó ń ṣòwò, Oníṣòwò ńlá: ẹni tí òwò ti rẹ̀ mú owó wolé ju ti oníṣòwò lásán lọ.

Ṣùgbọ́n a ti sọ síwájù tẹ́lẹ̀ pé bàtánì gangan ni iṣẹ́ kan gbòógì tí ó pọn dandan kí dìsáínà ó rán aṣọ, kí a sì pè é ni “aranṣọ nla” kò ní gbé ìtunmọ̀ tí a fẹ́ gbé jade. Bakan náà nipé, ọ̀rọ̀ yị́í lu pọ́nna nítorí ó tún ní ìtunmọ̀ “ẹni tí ó ń rán aṣọ tí ó tob́i”.

Ẹlómíràn ní ìgbàgbọ́ pé kò pọn dandan kí Yoruba náà ní orúkọ fun ṣugbọn kilode tí a fi ni orukọ ọtọ fún awọn mọ́là tí n gbe ẹrọ kọ ejika iyen awọn ti ejika ni ṣọọbu? Ní òkúrú ìgbà tí iyatọ tí o fi oju han ti wa laarin wọn, dandan ni ki orukọ wọn jẹ ọtọtọ ki a maa ba gbe ọmọ Ọbà fún Òṣun. Kí ni èrò tìrẹ?

Àtọ́kasi Ìwádìí

https:// oldnaija.com/2015/07/01/fashion-in-early-nigeria/ May 5^th, 2016.

Bákan náà ni mo dúpẹ́ pàtàkì lọ́wọ́ Alàgbà Yusuf Alao, olórí ẹgbẹ́ télọ̀ ní ìlú Ìsẹ́yìn tí wọ́n bá ọ̀rẹ́ mi, Adélékè Abdulateef ṣe ìfọ̀rọ̀wérọ̀. Bàbá, àgbà yín kò ní tán nílẹ̀ ooo. Àmín.

Stay Connected

New

Ìyàtọ̀ Láàrín Télò Àti Dìsáínà

Aṣọ Rírán Ní Orílè Èdè Nàìjíríà

‘RESKET YOURSELF’: JENIFA’S ENGLISH AND INSERTION

‘INTAGRAM’: JENIFA’S ENGLISH AND DELETION

‘BAD SHAID’: JENIFA’S ENGLISH AND DE-AFFRICATION

JENIFA’S ENGLISH UNDER PHONOLOGICAL SCRUTINY

Ìyàtọ̀ Láàrín Télò Àti Dìsáínà

Flying Colours Crew